I am official station

Ljósmyndir, kvikmyndagagnrýni, ferðasögur, fréttir af Hannesi og annað skemmtilegt :)

You are here: Home / Archives for partý

partý

Afmæli 2009 – legendary partý

2 Comments

Ég átti víst afmæli um daginn og það vill svo skemmtilega til að Einar á afmæli tveim dögum áður – þannig að okkur fannst alveg tilvalið að slá nokkrar barflugur og halda partý saman. Við buðum slatta af liði og hellingur mætti og úr því varð alveg fínasta teiti.

Ég var auðvitað með eina eða tvær myndavélar á lofti – það þarf að festa svona snilld á filmu. Ég var reyndar frekar fljótur að skipta yfir í fisheye linsuna þar sem hún var mun heppilegri í þessum aðstæðum – maður hafði ekki mikið svigrúm til að bakka til að ná fleirum inn í rammann. En fisheye er náttúrulega bara meira partý :)

Þar sem mér finnst yfirleitt skemmtilegri myndir þar sem er ekki notað flass þá hafði ég oftast ekki kveikt á því – en þar sem birtan var ekki alveg nægileg þá hafði ég linsuna stillta á ljósnæmustu stillinguna (f/2.8 á fisheye) og setti ISO í 12800 sem er náttúrulega rugl (maður hefur ISO yfirleitt 100 til 400). Svona hátt ISO skilar sér í töluverðu noise – en það sakar ekki, betra en ná ekki þessum myndum (ég hefði t.d. ekki getað stillt svona hátt ISO með gömlu vélinni). Síðan hefði ég líka verið fljótur að klára batterýið ef ég hefði notað flass á þessar 450+ myndir ;)

Ég var s.s. með ljósopið stillt á f/2.8 og það þýðir að fókuspunkturinn er frekar skarpur – allt lengra/styttra frá fókuspunktinum verður s.s. blurrað/úr fókus. Síðan virðist sem auto focus-inn hafi ekki alveg verið að virka nógu vel í svona takmarkaðari lýsingu (var ekki auðveldlega að grípa einhvern flöt til að fókusa á).

OK, fólk botnar kannski ekkert í hvað ég er að bulla ;) En ég er bara að punkta þetta hjá mér til að geta kannski tekið betri myndir næst.

Svona eftir á að hyggja hefði kannski verið heppilegt að nota flass í fleiri tilfellum, samt ekki víst – en maður er alltaf að læra, tekur smá tíma að læra inn á þessa nýju vél.

En ef ég ætla að gera eitthvað meira af því að taka svona partýmyndir þá þarf ég hugsanlega að fjárfesta í svona mega-flassi sem (að mér skilst) skilar jafnari og skemmtilegri birtu heldur en innbyggða flassið.

En ég vil þakka fyrir mig og þakka þeim sem komu – þetta var snilldar partý. Svona á sko að halda partý – þótt ég segi sjálfur frá ;)

Restin af myndunum ætti að detta inn á komandi dögum.

[Read more…] about Afmæli 2009 – legendary partý

Fisheye fjör – Meistarapartý og Sauðárkrókur

Leave a Comment

Nýjasti fisheye lomo pakkinn… Megnið af myndunum voru teknar í meistarapartý Bjössa og restin á Sauðárkróki.

Í miðri filmu (áður en við fórum til Sauðárkróks) keypti ég nýtt leikfang – ringflash fyrir myndavélina til að ná betri og skemmtilegri myndum. Með þessu ringflash þá eru s.s. fjögur flöss í kringum linsuna og síðan get ég líka sett lit á þau – einn lit eða sér lit fyrir hvert flass. Hressandi tilbreyting og tryggir líka að allt sé betur lýst upp.

Síðan sá ég í tísku hlutanum í Mogganum (eða var það Fréttablaðið?) að svona fisheye lomovélar væru heitustu partýmyndavélarnar í sumar. Sagði einhver trendsetter? ;)

[Read more…] about Fisheye fjör – Meistarapartý og Sauðárkrókur

Næturlíf á Sauðárkróki

1 Comment

Jæja, við mættir á Krókinn, búnir að fá okkur pizzu frá Ólafshúsi og þá tók bara við aðal tilgangur ferðarinnar: að halda magnaðast partý sem Kræklingar hafa kynnst.

Ég tók reyndar aðallega partýmyndir á filmuvélarnar sem ég var með en hérna eru nokkrar sem ég tók um nóttina.

Við Hlynur fórum í smá ferðalag að reyna finna meira áfengi og þegar við komum aftur voru allir farnir á skemmtistaðinn Mælifell. Þannig að við héldum bara þriggja manna VIP partý með Ómari sem við hittum á Kaffi Króki. Þetta exclusive partý var algjör snilld og gríðarlega góð stemmning – restin af liðinu mætti síðan þegar Mælifell lokaði og fljótlega fylltist húsið. Það var eitt atvik sem setti vissulega sitt mark á parýið/ferðina en það er miklu skemmtilegra að heyra/segja söguna face-to-face þannig að ég segi bara eitt: Cougar.

Við buðum tveim Finnskum stelpum í partýið sem við hittum fyrir utan húsið. Síðar um kvöldið tók ein þeirra upp á því að tala íslensku – og bara skuggalega vel. Það var frekar spes – maður var ekki alveg að átta sig á því hvað var í gangi ;) Minnti mig svolítið á The 13th Warrior þar sem Antonio Banderas byrjaði allt í einu að skilja íslensku – ég hélt að ég væri kannski farinn að skilja finnsku eða hún búin að læra íslensku á einu kvöldi með því að hlusta á okkur tala eða eitthvað ;)

Þegar það var farið að líða undir morgun og búið að henda megninu af liðinu út þá vorum við að tjilla úti á svölum, djammliðið af Mælifelli var að hanga á götunni við húsið okkar og við sáum að það var einhver gaur að míga á húsið. Óli ákvað í gamni að hella vatni (eða einhverju) við hliðina á honum til að stríða honum – ég meina, come on, þú ert að míga á fkn húsið “okkar”. En þá varð allt vitlaust! Einhver af félögunum hans sökuðu okkur um að hrækja á hann og þá var náð í fleiri vini og það var einn sem var sérstaklega æstur. Hann vildi alveg endilega koma upp til okkar og “ræða málin”.

Hann hafði greinilega eitthvað á móti utanbæjarliði af því að hann öskraði á okkur að fara til Reykjavíkur og stuttu seinna sagði hann okkur að fara aftur til Akureyrar. Hann virtist líka hafa eitthvað á móti menntun af því að hann kallaði okkur helvítis háskólapakk – og sagði að við ættum að borga Icesave. En hann hafði greinilega mjög sterka skoðun á tísku og útliti af því að hann mælti eindregið með að Óli færi í klippingu.

Sem betur fer var hurðin niðri læst en þar sem við vorum ekki alveg tilbúin til að opna fyrir þeim fóru þeir að þjasnast á hurðinni og enduðu með að brjóta gluggann í hurðinni. Þá var hringt á lögguna, sem kom innan skamms. Við tók skýrslutaka og annað skemmtilegt. En þetta endaði sæmilega, daginn eftir var rætt við félagana og þeir samþykktu að borga gluggann. Til að safna gögnum fyrir “málið” þá tók ég nokkrar myndir af kauða ;)

[Read more…] about Næturlíf á Sauðárkróki