filma

APS bremsur – Sumar og Sauðárkrókur – Filmu fjör

19. July, 2009 Leave a Comment

Ég náði að grafa upp nokkrar APS filmur í viðbót og það kom nokkuð skemmtilega á óvart að í þessari umferð þá urðu myndirnar ekki allar myglaðar eins og í síðasta APS pakka. Þær komu í rauninni bara mjög vel út. Gæti verið að þessi filma hafi ekki verið eins gömul, eða kannski fer það verr með filmuna að vera hálfkláruð svona lengi í myndavélinni.

Það er nokkuð kúl hvað svona APS myndir eru aðeins meira landscape/widescreen heldur en venjulegar 35mm myndir – nett Panavision í gangi ;) OK, var að rannsaka þetta betur og þetta eru 16:9 hlutföll í staðinn fyrir 3:2 á Canon 400D vélinni minni eða 4:3 á Canon IXUS 970 IS.

Þetta eru klassískar sumarmyndir – hinar ýmsu íþróttir stundaðar á Klambratúni/Miklatúni, grill, slatti frá Sauðárkróks-ferðalaginu og annað random.

Fisheye partý – sumarið er byrjað!

13. June, 2009 Leave a Comment

Já, já, sumarið komið á dúndrandi hraða og sumar þýðir náttúrulega grill alla daga og stanslaus partý. Datt einmitt í þannig pakka fyrir nokkrum vikum og tók með fisheye lomo vélina í gamni. Úr því komu nokkuð hressar myndir…

En maður er alltaf að læra… Ætlaði að taka mynd af strætó þegar við keyrðum fram hjá honum en flassið dreif greinilega alls ekki og eina sem maður sér er endurskinið af umferðarskilti. Já, maður þarf að muna að fara nálægt ;)

Ég var svolítið í því að nota Bulb + flass tæknina. Ég s.s. stillti á Bulb og hélt takkanum inni í smá stund en sleppti síðan og þá kom flassið. Þá koma yfirleitt svona línur frá ljósunum en fólkið sést alveg þegar ég skvetti flassinu á það. Mér fannst það yfirleitt koma nokkuð skemmtilega út – ágæt tilbreyting frá venjulegum flass myndum.

Síðan eru nokkrar nokkuð random myndir bara til að klára filmuna…

fisheye fisheye fisheye lomo lomo lomo

22. May, 2009 Leave a Comment

Nýjasti fisheye lomo pakkinn…

Það voru nokkrar myndir í byrjun (sem ég tók áður en ég framkallaði síðustu lomo myndirnar) sem eru eiginlega ónýtar, nánast bara gráar og sást ekkert hvað var í gangi. En núna ætti ég að vera búinn að læra á þetta og get vonandi komið í veg fyrir skemmdar myndir í framtíðinni. Ég prófaði nú að taka eina mynd með þreföldu multiple exposure (MX) þar sem það var takmörkuð birta til að sjá hvort það gæti reddað því, en svo var ekki – var bara grá klessa :)

Ég var töluvert að leika mér með multiple exposure (mynd tekin ofan á mynd) á þessari filmu og það kemur oft frekar skemmtilega út.

Var líka smá að testa long exposure (Bulb stillingin og síðan bara halda inni takkanum) – kom misvel út. Þarf að muna að reyna hafa myndavélina helst stöðuga á einhverjum fleti.

Falinn fjársjóður – gróf upp gamla APS filmu

21. May, 2009 1 Comment

Fyrsta myndavélin sem ég eignaðist var APS myndavél – Kodak Advantix 3600ix – sem ég fékk í fermingargjöf. Þá var þessi APS tækni frekar ný og þetta þótti voða kúl. Ég tók nú töluvert af myndum á hana – samt aðallega þegar ég fór í ferðalög eða það var eitthvað sérstakt í gangi. En ég hætti eiginlega alveg að nota hana þegar ég fékk stafræna myndavél.

Þannig að þessi myndavél hefur eiginlega bara legið upp í hillu frekar lengi… Einhvern daginn var ég að tékka á henni og mig minnti að það væri filma í henni og búið að taka nokkrar myndir á hana – en hún var batteríslaus. Þannig að ég keypti batterí og fór smá saman að vinna í því að klára filmuna. Aðallega af því ég var forvitinn að sjá þessar gömlu myndir sem var búið að taka á filmuna – mundi ekkert hvenær ég notaði myndavélina síðast.

Ég var að klára filmuna í gær og skellti henni í framköllun í dag hjá Pixlum. Þá kom loksins í ljós að fyrstu myndirnar á þessari filmu tók ég á InterRail ferðalaginu 2004 – í Hollandi og Þýskalandi.

Filman er frekar gömul (örugglega keypt 2003, jafnvel lengra síðan) og það koma svolítið sérstakir effect-ar – litirnir svolítið bjagaðir og rauð slikja yfir þessu. En þetta er bara töff – eiginlega smá lomo lúkk á þessu ;)

Fisheye fjör – maple party – filma 2

8. May, 2009 Leave a Comment

Ég var svo sniðugur að mæta með auka filmu í partýið – ég ætlaði sko að smella af eins og vitleysingur ;) Þannig að ég skipti bara um filmu og hélt áfram…

Það komu aðeins fleiri myndir úr þessum filmupakka – það gætu hafa skemmst nokkrar myndir þegar ég var að skipta um filmu, gleymdi nefninlega að trekkja til baka áður en ég opnaði myndavélina ;)

Besta trikkið til að fá góðar partýmyndir er bara að skilja myndavélina eftir einhvers staðar og láta gesti og gangandi grípa í hana og smella af – virðist hafa virkað ágætlega í þetta skiptið :)

Eins og með fyrri filmuna þá hafa sumar myndirnar hliðrast smá til – en það er bara skemmtilegur effect ;)

Fisheye fjör – maple party – filma 1

7. May, 2009 5 Comments

Ég tók 3 fisheye lomo myndir á Akureyrar ferðalaginu og þær voru hálfgert klúður… Ég lærði það nú af síðasta lomo pakka að þegar maður er inni í lítilli birtu þá er vissara að hafa flassið á. En ég misreiknaði mig smá með fyrstu 3 myndirnar í þessum pakka – þær eru teknar inni í bíl og það hefði greinilega þurft að vera flass. Það var bara svo bjart úti og mér fannst einhvern veginn næg birta inni í bílnum – en svona er það, maður er alltaf að læra :) Það er svona þegar maður er vanur digital græjum sem eru extra næmar og með auto ISO.

En það sem kom mér eiginlega meira á óvart er myndin af grillinu (mynd #5) – hún er tekin úti, alveg nokkuð góð birta minnir mig en samt kemur hún ekki alveg nógu vel út. Ég held að í framtíðinni sé málið að nota bara flass í sem allra flestum tilfellum eða þá að nota Bulb fídusinn og/eða Multiple Exposure. Síðan er ég líka að gæla við þá hugmynd að kaupa auka flass græju fyrir Fisheye Lomo myndavélina… er alla vega á óskalistanum ;) Ég þarf kannski líka að skoða að nota betri/öðruvísi filmur – 400 ISO í staðinn fyrir þessar 100 ISO Lomography filmur sem ég keypti í Urban Outfitters í Mall of America.

Síðan eru restin af myndum úr legendary afmælispartý maple.

Það er eins og sumar myndirnar “detta úr rammanum” eða eitthvað, hliðrast til… veit ekki hvort að filman hafi klúðrast eitthvað, ekki rétt trekkt upp eða hvað – en þetta er fjörið við lomography, þetta á að vera fucked up og skrítið ;)